您现在的位置: 篮球迷网 >> 篮球新闻 >> 篮球分析 >> 正文

拓荒者誓笑傲西北区内战

作者:篮球迷网    文章来源:NBA    点击数:    更新时间:2020/2/4


拓荒者当家球星利拿特近期无人能挡。

  利拿特粉丝注意喇,火热嘅拓荒者即将喺礼拜三上午再次亮相,届时佢哋将会奔赴丹佛迎战同处西北区嘅金块。本场同赛区内战自然令人关注,但利拿特能否继续贡献出惊人表现则更加系最大焦点。

  利拿特近期表现有几夸张?如果话连续两周夺得西岸周最佳球员荣誉唔够直观嘅话,咁我哋一齐睇睇过去6场佢嘅得分数字:61、47、50、36、48和51。与此同时,佢嘅影响力绝不仅仅喺得分上,喺呢6场比赛中,利拿特均场可以贡献48.8分、7.2个篮板和10.2次助攻。而喺佢嘅带领下,拓荒者在此期间取得5胜1负嘅战绩,其中近来更加系沉浸喺一波甜蜜嘅四连胜当中,风头可谓一时无两。

  当然,坐镇主场嘅金块绝非善男信女,其中内线新一代魔术手N.祖基奇近来发挥亦绝对抢眼(上仗面对活塞打出大三元数据)。但J.梅利和米萨近来嘅连续缺阵仲系大大影响咗球队嘅阵容厚度。况且拓荒者阵中尚有发挥持续亮眼嘅中锋H.韦西迪,单靠N.祖基奇一人,金块恐怕会陷入双拳难敌四手嘅困局。

  值得一提嘅系,相比金块喺西岸前列相对稳定,拓荒者目前则尚未杀入西岸前八。喺如此状态火爆嘅利拿特领军下,拓荒者绝不愿意停下追赶步伐。

分享给小伙伴们: